سلام على برج الحمام
بقلمي هلال البنا
...... ...... ......
أصل الحمام رمز السلام
مطرح ماراح طيبه وسماح
كان في المكان سلم وأمان
موجوع بيحلم. بالبراح
من غير مايكتب عالحيطان
بينادي حي على الفلاح
يحكى الزمان يبكى المكان
على اللى كان وعاللي راح
سلام على برج الحمام
يحكى الحمام من غير كلام
ليالى كان فيها الغرام
كان الحمام ويا اليمام
يروح وييجى بالسلام
و النخل واقف في الغيطان
و في السما قمر الزمان
ويا النجوم وسط الأمان
سلام على طيرى اللي طار
من غير مايكتب عالجدار
تحكى الحيطان كل إللى دار
وليه حمام البرج طار
وقال لنا نزرع عيدان
تطرح لنا ورد وريحان
تكبر تفرع فى المكان
تحكى هنا كل إللى كان
بين الحمام ويا اليمام
حب و سلام كلام غرام
عشق وغزل مليان حنان
سلام على برج الحمام
الفرش كان حب وهيام
والعش كان ريش النعام
مفروش أمان يسمع أذان
أصل الحمام رمز السلام
..... ..... ...... .....
سلام على برج الحمام
بقلمي هلال البنا
ليست هناك تعليقات:
إرسال تعليق