ياما دق
الحاج هلال
...................
ياما دق عالراس طبول
بس دي مش ٱي دقه
واللي فات كله يهون
النهارده زاد وغطى
ضربه صابتني بجنون
أصلها مش بس ضربه
جايه في نور العيون
والعيون ازاي. هاترضى
مش في إيدنا غير. نقول
أمر ربك. بيه. هانرضى
إبننا يابن. الأصول
الأمل هايعدي بكره
وجرحنا مش راح يطول
الجروح هاتروح وتشفى
والدنيادي راح. تزول
بس فيه. أيام. بتحلى
للمظلوم راح ييجي يوم
وكل جرح يبقى. ذكرى
هفوه منها. وراح يقوم
يبقى أقوى ويبقى أحلى
هي دقه في الصميم
في العمود المستقيم
كان شبابي وكتف بابي
وسندي والله العظيم
كنت شايف من عيونه
وكل حاجه لازم اشوره
في الصغيره وفي الكبيره
ويحترملي كل. كلمه
لو في. مره. جاتلي. أزمه
يبقى جنبي نهار. وليل
موش يسيبني وكل همه
راحتي لو. بالمستحيل
لسه حد. محتاج دليل
إن. دي مش ٱي دقه
مهما دقت الطبول
كله غير دق النهارده
والزهول صاب العقول
إللي جوه. واللي بره
والجميع عمال يقول
والدموع في القلب مره
محترم يابن. الأصول
وابتسامتك أحلى ضحكه
والدعاء ليك. بالقبول
نشفى م الجرح اللي صابنه
والإصابه. مش. تطول
قبل ميفوت الشهارده
والجميع يفرح يقول
القمر. طلع. النهارده
.......................
ياما دق
الحاج هلال
ليست هناك تعليقات:
إرسال تعليق