/ طريق الملتقى / محكي
عا مفرق الأحلام دوزنت الوتر
غص القلب وتشردق بدمعة سفر
ملهوف صرت حروف إسمك لملما
من العاصفه من تحت دعسات القدر
واكتب غزل ع شفاف حبات اللما
واعزف موسيقى الشوق عا صوت المطر
مازال حبك نور من روحي سما
طالع ع برج الليل برّات النظر
تا قطّف عناقيد عرّيش السما
وجبلك شي سلّة ضو من كرم السهر
مش هم ما في كهربا بكل الحما
رح إنطرك بالشام . . مش رح نام
بضوّي طريق الملتقى بضو القمر .
- عيسى فضة -
ليست هناك تعليقات:
إرسال تعليق