محكية (بالعامية السورية)
غربة وجع :
ياجوانحك يلي رفرفت
وفوق القلب
حطيت...
وبدياتك يلي دموع الأسى
والحزن لميت...
بمطارحك شوية حكي بتهمس
عن غيابك...يلي منو ....غصة عمر
رويت...
ولتقلك
كيف اشتقتلك كل الزوايا حتى الصور
عالحيط...
والشجر يلي عم يشوحلك
والحرش يلي مقابل التلة
ويلي بحضن خضرتو
تربيت
لبيادر القمح والغلة ..
يلي ما عاد إلها
أثر ضنيت...
راح السبل من العطش والخير
من الحقلة
وراح الشجر والزيتون وما ظل عنا
زيت...
ماظل غير الريح بيغني
وبتصفر كثير...وبيشتكي من
الوجع من بس مافليت
والروح تندهلك....لترجع من
من السفر راحوا الأهل وتفرقوا
الحبايب وماظل حدا
بالبيت
ومن حملت ريشاتك صوب السفر
وحيات غربتك والهجر ماطلع
مني حكي ولا عاد منبعدك
انت غنيت
خسارة مبطنة بخصلة عتب
بتروح لتقلك ...وين الوفا يلي
شربت من قلبي جرعة
عمر..... عبيت
والوردة يلى حاملي عطر
دمعاتك وحكاياتك
وريحة عطش مياتك
منها الفرح
ضميت..
لشلح ورد على فراشك يلي
ناطرك بين السما والأرض...اشتقلك
و صار يضحكلك
و دفاترك وحبرات
حروف قلامك
وكاسات نبيذاتك...فاضت
دمعتي
لتقلك...إني اشتقتلك
من البعد وطول الهجر
مليت
وصرت مثل السياج يلي حارس
ترباتك
ومواسمك بس من كثر البرد
والعشق اعتقت بس
ما صديت
بقلمي :مفيدأبوفياض
ليست هناك تعليقات:
إرسال تعليق