شايف الدنيا؛؛؛؛؛؛؛؛؛؛؛؛؛؛؛؛؛؛؛؛
مايله وظالمه
زي النيله نايمه وقايمه
رايحه وجايه مش ويانه
ولآ عوزانه ولآ مهتمه
شايف الدنيا هم وغم
ماتت فيها النخوه ياعم
زي الغابه فيها ديابه
ياكلوا الجيفه وياكلوا الدم ز
شايف الدنيا زي السينما
أبطال فلم ومن غير قيمه
والإنسان منداس منهان
زي أولعوبه و هدمه قديمه
شايف الدنيا صوره مريبه
وفيها العيشه ذل وكئيبه
عند الناس مات الإحساس
ولآ فيش حرمه لسن ولا شيبه
شايفك يادنيا الأحزان
زي خزان مليان بديدان
والبني آدم والإنسان
بات في القعر ومات غرقان
شايف الدنيا زي السوق
والمديون مزنوق مخنوق
والمرتاح بيضحك فوق
والغلبان مالوهش حقوق
شايفك واطيه وعند العوزه
مالكيش أصل خسيسه وندله
دنيا وعالمعدول معووجه
ست ولابسه جاكت وبدله
وعالغلبان ليه جاي يازمان
مذلول في الطالعه وفي النازله
على طول ليه عطشان وجعان
محروم ليه مش لاقي اللقمه
شايفك يادنيا يامكيره
غيره وظلم وغدر وحيره
دنيا غروره زوال وصوره
وجايه على الغلبان ياحقيره
شايفك مايله وفي النور ضلمه
ظالمه في القايمه وفي النايمه
ولآ فيش حيله زفت ونيله
ولآ شيفانه ولآ مهتمه
شايف الدنيا؛ ؛؛؛؛؛؛؛؛؛؛؛::؛؛؛؛؛؛؛؛؛؛؛؛؛؛
..................... بقلمي الحاج هلال
ليست هناك تعليقات:
إرسال تعليق