بالأمس شفتك بالحلم
قمر بوسط السما حواليك النجوم تدور
سلطان عرشك، تاجك عز وشموخ
وكل البنات حواليك تتمختر
وقفت ع طراف الصبح مبهور
من الجمر المتوهج شوق وجنون
لعبق أنفاسك فوق سطوري يتقطّر
فجأة صحيت من الحلم
وسلطان الشعر للقوافي حضّر
اكتبلك رسالة شوق بدموع
حروفها بندى الصباح تتعطر
مديت ايدي أمسك خيالات
وصلت بلهفة عالقلم والدفتر
صباح الخير
كتبتها بحروف من نور
يلي غرامك عالقلب سيطر
كل نبضة باسمك تبوح
من حروفو هالعقل بيسكر
ماعاد أعرف كيف أكتبك وبوح
حروفي فوق السطر تتحيّر
وين القوافي بيتها مهجور
اللغات اللي بتكتبك مابتكرر
ندهت من بستان قصيدتي عصفور
يحمل رسالتي مع ورد أحمر
باح القلم بصفحات وسطور
شو قلت فيها ماعاد اتذكر
حملها وع شباكك يغرد مسرور
يقلك بصدى صوتي
صباحك سكر
بقلمي :عهد عساف
ليست هناك تعليقات:
إرسال تعليق