( بيت الذاكرة ) محكي
تذكّرت إني نسيت إتذكّر
عنوان قلبك بعد ما تغيّر
مدري وقع من جيبتي العنوان
مدري الفكر عز الصبا ختير
ولمّا طلعت من حاجز النسيان
رفعتي بِوجهي كرتك الأحمر
حتى الخريف تفركش بنيسان
وهرّ الحلم من غصنك الأصفر
تذكّرت وعد الكان ياما كان
بعد العمر ما صار ع المكسر
ومتل الكأني من زمن خرفان
فايت ع بيت الذاكرة إسكر
وعفّر بقايا من فكر جبران
وحامل مزايا من زمن عنتر
سلّمت حالي بصحوة السكران
وقت وصلت عا مفرق المخفر
ولمّا صدر حكم البراءة رجعت
متل الحصاد اشتاق للبيدر . د.عيسى فضة
ليست هناك تعليقات:
إرسال تعليق