💞ضيعة ونبعة حب 💞
ضيعة ونبعة وأرض الخير
عم قضي فيها سنيني
محلا صبحا وصوت الطير
وفنجان قهوة بجنينة
جبالا الخضرة ب خدين
بشوفتها بكحل عيني
ولما بورد عَ هالعين
محبة وعشق بترويني
من ميات هالمزراب
أطيب غلة بتعطيني
ملقى صحاب وناس طياب
وذكرى حلوة بتكويني
ياما قصدوها الأحباب
ونقشوا ع حجارا زينة
شاخ العمر وكبر وشاب
وبعدا الذكرى ع جبيني
بقلمي ✍عماد عبدالله
ليست هناك تعليقات:
إرسال تعليق