( كلّك إلي موقوف ) شعر محكي
قالت له :
تسطح معي عا تخت أحلامي
تغطّا حبيبي بشرشف هيامي
وغطّي ياشاعر لهفة عيوني
بشال الغزل من شعرك السامي
اعذرني لَحبك صرت مديوني
وقلبي بقي مشغول بصيامي
بالعيد بكرا بسدد ديوني
بأطهر عشق يا نور أيامي
شلت النعس عن مرصد جغوني
تا ضل شوفك هيك قدامي
بقلبك أنا رح ضل مسكوني
وتقطف وحي من كرم إلهامي
فضّي خوابي الشوق بجنوني
تا إشرب من نبيدك الشامي
ولا تظن فيك تروح مني تفل
كلّك إلي موقوف إلزامي .
قال لها :
متلك أنا وأكتر إلك ملهوف
تكوني معي ع دراج إحساسي
متل الوقف فيكي أنا موقوف
بأجمل مشاعر حب حساسي
بغزلّك بصاببع شعري حروف
وبضبط معك توقيت أنفاسي
وبقطف عسل من شهدك الموصوف
وبشرب أنا كاسة ورا كاسة/ي
بين الصبايا كلّها ما بشوف
غيرك قمر طالع على قياسي
ومتل الشذى ما باس تم الورد
بحبك يحلوة هيك تنباسي . د. عيسى فضة
ليست هناك تعليقات:
إرسال تعليق