( وإنتي معي ) شعر محكي
رح ضل حبك
قد ما يطول السفر
وناطر ع سطح الليل
بندهلك تعي
بحكي معك
بالقلب والشوق اختمر
بدن الوعي والذاكرة
واللا وعي
مع كل أول ضوء
ببعتلك خبر
بجعبة بريد الهمس
يمكن تسمعي
بدروة حنيني
صرت عشقان السهر
وإنتي معي
بالروح وخيالك معي
خوفي الوقت
ما يصير قلبو من حجر
وجمر الغياب
يصير يحرق مدمعي
باقي أنا
سهران ولو نام القمر
وباب النعس
مقفول حتى ترجعي . د. عيسى فضة
ليست هناك تعليقات:
إرسال تعليق