بقلمي هلال البنا
غلطان
..............
نسيت ابص قدام
واطلعت أنا غلطان
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
غدرك تقيل يازمان
تضغط على الإنسان
مايله يادنيا الندم
ملكيش لحد أمان
حتى الورق والقلم
بيجور على الغلبان
يكتب بحبر الألم
ويطلعه الخسران
واللى انكتب انكتب
مايل كتير ياميزان
ويفيد بإيه الندم
لما الكبير ينهان
أعتب عليك يازمن
وللا على الأيام
خدعني حب الأمل
ونسيت ابص قدام
وكنت عامل خدم
لناس بينسوا قوام
ومخلوقين من عجل
مشيوا ورى الأوهام
عيش ولبن والعسل
كنت القمر ياهلال
ولما سمعوا الألم
قالوا السمع تعبان
نقلوا بعيد السكن
وقالوا الرصيد خلصان
والشبكه صابها العطن
وانمسحت الأرقام
واتس ومسنجر عطل
والفيس صايم رمضان
والنت لمارك لطم
والكل نسيك يافلان
لك رب لحظه ماغفل
ولآ فمت ثانيه ينام
وهو ليك الأمل
هايخفف الأحزان
الحمد ليك والشكر
ياصاحب الإحسان
تكرمنا بعد الشهر
وترزقنا بالغفران
ناخد ثواب القدر
نجينا من نيران
واسترنا باقي العمر
وشفع فينا القرآن
ويسر سؤال القبر
وحبيبك العدنان
واعطينا أكبر أجر
واكتبنا في الأبرار
ورزقنا جنة عدن
واحفظنا حر النار
عوضني باقي الزمن
وغدرت ليه يازمان
واطلعت انا غلطان
وانسيت ابص قدام
مايله يادنيا الندم
ملكيش لحد أمان
فعلا انا الغلطان
؟؟؟ ؟؟؟ ؟؟؟
بقلمي هلال البنا
غلطان
ليست هناك تعليقات:
إرسال تعليق