....... يا شام.........
ع دروبك زرعنا الأمل
وباسمك غنينا الفرح
رح أسكر الليلة بعيونك
وغني موال
بصوت مبحوح من عتمة
الأيام
بنغمة حزن ..
بدمعة طفل يبكي ويصيح
ويلي يا شام ..
الفقر عربش ع الحيطان
وبدل الياسمين بأطفال
لو الحكي بينصف كان
زهر ع جبالك سبع جيال
متل غيمة غافية بتسرق
الأحلام
و رنة قدح تسمع البادية
وينامو الرعيان
وأنسى أنا وأنت شو صاير
بالشام
وصيح بصوت عالي الموال
يا شام
ريتك بترجعي متل جندي
واقف بالميدان
نبيل قزي
ليست هناك تعليقات:
إرسال تعليق