التاريخ 21_8_2014
كتبتها وأنا في قمة الحزن على عروبتنا
وتحقق ما كنت أخشاه
طه هيكل
صباح الخير ياعرب
لوكنتم لسه عرب
مش مستعربين
ولا تكونوش لساكم
في العسل نايمين
خليكوا نايمين
ده النوم راحة
وخلينا ساكتين
ولا مش ساكتين
مش فارقة كتير
ما اهو احنا منكوبين
ونكبة تفوت ولا حد يموت
ودايما قهوتكم سادة
وآخرتكم قربت يا سادة
لأن الثور الأبيض إتاكل
والدور علينا جاي جاي
لأننا مقسومين
جماعة شمال
وجماعة يمين
والوسط فاضي
والظهر مكشوف
والحبايب عقبال عندكم
بيلعبوا بالملايين
نقول كمان
صباح الخير ياعرب
بقولها بكل غضب
مفيش فيكم عصب
كلنا من جوه مخوخين
طه صلاح هيكل
ليست هناك تعليقات:
إرسال تعليق