مجموعة : غزل (معنّى)
مدين رحال
....................
مازال سهرة حُب شافت حالها
راجع إلك ياملتقى رحالها
ردات المعنى م بدي بدالها
هيدي اختصاصي وأبدعت ب مجالها
وكل مابغني ردة معنى انا
ب سوقك عكاظ بيفتتح موالها
....................................................
موضوعنا ع الحب ياناس اسمعو
رحال عاشق عم ب يذرف مدمعو
الحب مش قطعة قماش ب تصنعو
ولا حرف ع وراق الدفاتر تطبعو
في سر جوا الروح مين بيقشعو
عند ال خلقنا هيك ثابت موقعو
ال بيحب م بيقدر على كُره الحبيب
لو رقبتو بالسيف بدهن يقطعو
...................................................
للحب في انواع عالي شانها
بْيِرْجَح بِ كفات الوفا ميزانها
في حُب سامي للأمومة عانها
وبعيدها بتفرش زهر ألوانها
وفي حُب ثاني للصداقة زانها
ب غير المودة م نبدل عدانها
وفي حُب ثالث للخليقة دانها
م بتقدر تبوح ب صور اعلانها
عم يذبحو الروح البريئة ياحرام
لما بنت تعشق ابن جيرانها
..............................................
روحي الحزينة صارت ب حالة عذاب
وقلبي جريح وصرت فاقد للصواب
واقع انا ب أزمة جنون وإكتِئاب
وعم عِد ساعات العمر تحت الحساب
عم انتظر عزريل روحي يشيلها
بلكي بدار الآخرة بلاقي حباب
...............................................
ياحُب لاتِكْسر قبالي مرايتي
مغروم قلبي وهيك بحكي حكايتي
ن كنو ب راسي الشيب بلش اجتياح
بيزيدني حب و وقار ب آيتي
.............................................
حُب الأمين الصادق ال عندو ضمير
عشق الحلال ال فيه تقرير المصير
م بحِب اخدع ب الحكي محبوبتي
والفقر مَنو عار عاشاعر أمير
...............................................
كلماتي وبقلمي انا مدين رحال
ليست هناك تعليقات:
إرسال تعليق