من زمان عشنا الفقر وغنينا إلو
ﻷنو قلوب الناس أغلبها حلو
صرنا بدني و اتغيرو فيها البشر
صار الماعندو مال كرامة ما إلو
ليش الفقير بينذل ﻷنو فقير
وماهم الغني كيف جمع المال الكثير
والبشر عم يتفاخروا بقلة الضمير
حتى المعاصي بالمصاري جملوا
صار القوي بيدوس ع خيو الضعيف
حتى الوسخ بيذم اﻹنسان النظيف
وصرت بصعوبة ﻻ تﻻقي شي شريف
وكلمة شريف الناس ماعاد يحملوا
يارب .. بدنا لطفك وحاجي قهر
بكل هالفقر الناس ماعندا صبر
إما فرج ينهي الظلم أو أولياء
ليصلحوا هالكون ﻻزم ينزلوا
جوزيف رداح
ليست هناك تعليقات:
إرسال تعليق