(( تعالي نمشي سوا ))
تعالي,,نمشي سوا
درب العمر طويل
لامنجرح الهوى
ولا منهجر المواويل
تعالي ,,يارفيقة العمر
قبل ما يْروِّحْ العمر بكير
تعالي نلتقي على وجه المسا
قبل ما تغيب شمس الأصيل
تعالي ,,نقطف من الساعات
لحظات الهنا
ونشلح على كتف الفضا
ضحكات قلبنا العليل
تعالي,, نخلي زنابق الحب
ماتذبل وتبلى
خَبي هالعطر جوات المنديل
قد ماسرقنا من هالدنه ساعات
زيت العمر بيخلص
ورح ينطفي القنديل
تعالي نرتوي من بحر القبل
جرعات
عشاق والشفايف عطشانه للتقبيل
تعالي ناخد من هالدنه فرحة
الفرح في هالدنيا
لا تصدقي معاك مش رح يكون قليل
مابيكمل مشوار الفرح
في هالدنيا الحلوة إلا معاك
و العمر برفقتك يالحبيب جميل
الشاعر غسان أبو شقير
ليست هناك تعليقات:
إرسال تعليق