بقلمي هلال البنا
المدن(2)
................
في المدن مين طاف وشاف. روح تعالى ولف ودور
واللي بيطوف راح يشوف وتبقى مكشوفه الأمور
والأرياف على الأطراف والأراضي فيها بور
واللي شغال في المقاس. والحنوتي في القبور
واللي عامل سر وراس فيها مدفونه الأمور
والغيطان وزرع طالع والقرى ونجع وكفور
والقنايه ميه جايه م الترعه والنيل مرايه
واللي يشرب واللي يلعب. . واللي يتكلم ورايه
واللي يروي الزرع يشرب. واللي فاهم للحكايه
واللي يهرب واللي يضرب واللي يكسب رزق خير
كل حي يبقى مرضي. حيوانات والطيور
في المدن والناس منازل. والمنازل يعني. دور
فيها ندل وفيها عادل واللي مش فاهم الأمور
دور. و محتاجه لعاقل يحضنها ولازم يشور
والمشوره مش تنازل بس مشاركه للحضور
بالهدوء حل المسائل عب غفور وعب شكور
والشجر له زهر نازل غصنه مليان بالزهور
والكروان والبلابل والعصافير والصقور
المدن مليانه دور. وفيها ضلمه وفيها نور
وفيها صوره للمشوره وفيها عدل وفيها جور.
........................
المدن
بقلمي هلال البنا
ليست هناك تعليقات:
إرسال تعليق