الخميس، 11 يونيو 2020

يا ريت تعرفي --- للمبدع غسان أبو شقير

شعر محكي
(( ياريت تعرفي ياريت ))
عطشان والشوق والعشق مَلّى لعيون
كيف بدي حاكيك بالوما
وأنت بعيدة وما نك هون
قلت بستناكِ عغروب الأصيل
بلكي تيجي وتمرقي من هون
دبل هالحبق على شرفات البلكون
لا الصبح طليتي ولاالمسا مَرْيتي من هون
سألتْ القمر ونجوم الليل
عن غياب نجم سهيل
قالوا حبيبك غفي من طول السّهر
عا لشبابيك ونام
وما عاد صحي لصوت الناي
و بطل ييجي وما عاد يمر من هون
انزلتْ عن دروب المسا الما بينتسى
من كتر الحزن والقسى
طفيت قنديل الشموع
ومن كتر البكي والدموع
عانقت هالمنديل المليان أشواق وحنين
و غصة بالحلق ودموع
والقلب مليان جروح و شجون
اغفيت و النعاس غفيان جوات الجفون
وصرتْ أحلمْ ياوليفي بْ بُكرا
بلكي تيجي من هون
وبشوفتك سَكِّنْ الشّوق والغياب
وشبع من جمالك اهداب ا لعيون
عِدْ نجوم السما قبل ما تسرقنا الأحلام
لا تسرح ياقمري بالفضا بين الغمام
خلي شالك الوردي المطرز بالنجوم
يطير مع الهوا بالفضا
ويرفرف بالسما مثل الحمام
مكتوب على طراف المنديل
بحبك قد ما رفرف جناح الحمام
وقبل ما يوصللي هالمرسال
بخبرك ياوليفي
أنا مثلك عاشق ولهان
من الهوى دايب ببحر الغرام
تعالي نلتقي سوا على درب المنى
وخلي العيون ترمي سلام
سطور الهوى ما بتنمحى
مابدها ورق واقلام
بدها العيون الشهل تغمز الغمزات
وتحكي عن الهوى أحلى كلام
قد ما قول بحبك. ما بنصفك بهالكون..
ولتصدقي من الحب اكتفيت
لو شِلتْ كل الجمال عن وجه الكون,,
مثل جمالك ياحلوتي ما لقيت
طَوعت القلب تترضي ,,
حصان طروادة وروضته
وقلب الخيال فرشته للحلوة بيت
ياساكن جناين قلبي واغماره,,,
من اعتاب رموشك زهر الحبق جنيت
هبت نسايم هالفرح جوات القلب ,,,,
ولما غاب شذى هالعطر
ياقلب ياما شكيت وياما بكيت
حنيت وْوقفت مابين الأرض والسما
مثل عود ماأزهر ,,,
ويا ما للون الزهر ياقلب انحنيت
لشوفتك يالأسمرعطشان للهوى
ومن نبع الشهد ما ارتويت ...
دقات القلب لما تعدي من حدي
بتكتر وتقوى وياما عدقات قلبك رديت
عديت من جنبي عديت
مريت وما سألت عني
ولما طرقت بواب الهوى مارتجيت
وانا حارس العشق ولطعم الرضاب كيف نسيت
يا ريت تعرفي ياحلوة ياريت قديش بحبك,,
ياريت تعرفي ياريت
الشاعر غسان أبو شقير

ليست هناك تعليقات:

إرسال تعليق