..........بنت الحلال
يللا أذن يا بلال
كبر ودعي ذا الجلال
يعدل الحال إللى مال
ويهديلنا بنت الحلال
يللا أذن يابلال
...........
عين صابتها وللآ إيه
وكل مادا حالها حال
مين يقولي أعمل ايه
وليه معاها غلبي طال
يللا أذن يابلال
..............
مانعه ليه عني الوصال
فين طيبتها والجمال
وكارهه ليه سيرة الرجال
وماشيه ليه وسط الضلال
يللا أذن يابلال
................
عامله قاسيه وهي ناسيه
إن أنا الخدام هلال
أحكي ليها عن صفاتهه
وتحلف إن ده خيال
يللا أذن يابلال
....................
بعدي عنك شيئ محال
مستحيل حتى إحتمال
روحي فيها مش لاقيها
وهي فين بنت الحلال
يللا أذن يابلال
................
قلبي مش قابل جدال
مهما كان الحال عضال
صبري أكبر م الجبال
والهلال بدر الكمال
يللا أذن يابلال
...............
ياحسود كف افتعال
وارفع إيدك في امتثال
ياشيطان غور ارتحال
وحط راسك في الرمال
يللا أذن يابلال
.................
ياشيطان إنوي الزوال
مش هاتقدر عالرجال
حرب بارده مش قتال
في تضليل بنت الحلال
يللا أذن يابلال
.................
الحقود عامل احتلال
مش تقول لعب العيال
والتجاهل والتغافل
والجهاله والخبال
يللا أذن يابلال
...................
يللا أذن من جديد
نفتكر زمان سعيد
كان زمان بنت الحلال
وابنها وابنه الحفيد
يلا أذن يا بلال
........................
كان زمان العدل بان
والأمان في كل مكان
الفقير زي. الأمير
والضعيف معاه ضمان
يلا أذن يا بلال
...................
فين يا عم الحق راح
وساب لنا بس المزاح
وانشغال بنت الحلال
عني زو ود. الجراح
يللا أذن يابلال
.....................
إدعي ربي ذي الجلال
يعدل الحال إللي مال
يهديها وياخد ب إيدها
وتحقق كل. الأمال
يلا أذن يا بلال
....................
يللا أذن يا بلال
وكبر وادعي في ابتهال
ينعدل حالنا اللي مايل
وتنهدي بنت الحلال
يللا أذن يا بلال
..................
بقلمي هلال البنا في
بنت الحلال.
ليست هناك تعليقات:
إرسال تعليق