النهار
مع هلال البنا
نور النهار طالع
والحق سيف قاطع
صبح الصباح ساطع
والفجر صوت النصر
صوت الأذان جامع
كل الوطن سامع
نور النهار قناديل
ساطع في شط النيل
جاي يجري من بدري
نادى عليك يا جميل
تروي الغيطان في الليل
زرع الخطوط مسخوط
والميه تجري تسيل
زرع الحيضان عطشان
في سلاسل المواويل
نور النهار جارف
والفجر جاي عارف
صف الصلاه واقف
للحق عين شايف
رافع إيديك يا إمام
تكبيرة الإحرام
من قلب وشفايف
راجي القبول خايف
والقلب له دقات
برجاء وخوف أوقات
إخلاص يقين نيات
وإيمان فى حضنى يبات
سامع في قلبي أهات
متوضي بالحنه
يحلم دخول جنه
شايف ورود ونبات
وخيوط وشمس و نور
وبيوت بنات الحور
فيها الدهب منثور
وفي الكتاب مسطور
وصحينا بعد النوم
نحلم يعود اليوم
والحلم كان مشكور
كان حلم كله سرور
واصحيت صباح اليوم
شايل لبكره النور
بكره النهار طالع
والصبح نور ساطع
والفجر صوت النصر
لله يكون الأمر
نور النهار جامع
مش وقفه في الشارع
طالع ومش راجع
ريحة الألم فاقع
في الميه مش ناقع
وللا الكلام نافع
طالع كلام مقهور
مش لاقي ليه دافع
مش عبدك المأمور
والأمر لك ياغفور
أمرك لازم واقع
ومشيئتك الواقع
وانت الأمل باقي
يا عم عب باقي
والفجر أشواقي
نور الإيمان واقي
بكره النهار طالع
طالع بنور راقي
والصبح نور ساطع
فيه اليمين قاطع
كل الحضور سامع
هايبلغ الغايب
والكل في الغالب
راح يرضى بالواقع
نور النهار طالع
بكره الأمل ساطع
يقين إيمان نافع
بالحق هاندافع
في الحلم والواقع
هلال البنا في
النهار
ليست هناك تعليقات:
إرسال تعليق