/ إسمك وطن / محكي
عا مفرق الأحلام
دوزنت الوتر
بأنغام
ألحان اللقاء المنتظر
وبحكي معك
بيكل لغات الوما
غص القلب
وتشردق بدمعة سفر
وملهوف بدّي
حروف إسمك لملما
بالعاصفة
من تحت دعسات القدر
إسم وطن
ع دراج أيامي سمى
وطالع ع برج
الليل برّات النظر
تا قطّف
عناقيد عرّيش السما
وجبلك شي
سلّة ضو من كرم القمر
وضوّي طريق
الملتقى بليلة غرام
وبفتحلك
بعز النعس باب السهر . - عيسى فضة -
ليست هناك تعليقات:
إرسال تعليق