محكية
أنتي ما بتكتبي شعر
الشعر بيكتب كرمالك
بصف حروفو بكلمة أمر
حتى يوصف جمالك
يا عدار شو هالمُهر
ما في بالدنيا أمثالك
زرقا عيونا بلون البحر
وشعرا من الليل الحالك
وخدودا بساتين الزهر
داير دور بعرزالك
لو شافك شي مرة البدر
بيهرب فوراً ع الحارك
بقلبو طق من القهر
وبيخجل يطلع قدامك
بين غمزاتك نام السحر
وقف بأيدو وامالك
لو قطعتي من فوق النهر
بيمرق من صوب ديارك
او هاجت مواج البحر
بيهدا من رميتي شالك
لو برهن من عمري دهر
حتى وقف قبالك
أو بدعي بليلة قدر
حتى تكويني نارك
وعمرلك بقلبي قصر
وسلمك سبع الممالك
او صملك طنعشر شهر
وافطر من شهد خمارك
حسن الحداد
ليست هناك تعليقات:
إرسال تعليق