صوت مبحوح...للمبدعة فاطمة علام

(صوت مبحوح)
**************
لساك عايش كده اوهامك
وف موتك شوفت خلاص  للروح
لساك متشعلق فى حبالك
مش دريان إنك مجروح
من كلمة حب  بتسمعها
جيالك من صوت   مبحوح
بيقول لك هاجر   بره حدودك
وانسي الماضي وبطل نووح
الموت خاصمك مبقاش عايزك
لم رفاته وقال  هيروح
ريحة الموت بتقرب منك  جوه تابوت قلبك بتفوح
إياك  تستسلم لاوهامك
الحق واركب مركب نوح
أصرخ غني بأجمل غنوه
ألبومك ف الهوي مطروح
اعزف شعرك على اوتارك
أنا  قلبى زيك مجروح
وأوعي تبطل أبدا بووح  
أخرج بره كهوف أحزانك
عيش دنياك ما انتاش هلفوت
مد الخطوه ودوس أحزانك
مُر لبكره وعدي وفوت
قطر أمالك ودع أمسه
بيزمر بيقول توت توت
إرمي اوجاعك إبعد خوفك
وإقتل همك بالنبوت
  قوم وأروي  الأرض العطشانه
يطرح أملك كده هتفوق
وامحى ظلام الروح جواك
بعد الضلمه بيجي شروق
بالحب هتحلو الدنيا ومسيرها مع الصبر تروق
     *فاطمه علام *