(راجع ليه؟!)
**************
ليه سيبتنى وانت بتهواني؟؟
دا انت ما غبتش عني ثواني
انا لو حبي اتملك منك
كنت نسيت الدنيا عشاني
جاي بتقولي تعالي نعوض
ماضي عدى ومر وفات
بعد العمر دا كله وراجع
جاي تسقيني المر كاسات
دا انت كلامك صعب وواجع
شايفينه الخلق علي شاشات
راجع تاني تقول سامحيني
وانسى آلامي ومر سنيني
مش عايزه منك سلامات
قلبي شبع أوجاع وآهات
بعد ماكنت اتنفس حبك
بأفعالك خلص إللي مابينا
والقلب اتحول لرفات
بعد العمر ماولىٰ وراح
راجع تملا الكون أفراح!
عشت سنينى مابين
اوجاع
بعد حبيبي ماسابني وباع
ماتت فيا كل مشاعري
مابقاش فاضل غير أشجاني
بسهر ليلي وبكتب شعري
وانت ماداري بكل مشاعري
برسم ضحكه على الخدين
بس الدمعه ماليه العين
عيشت ليالي كتير أناديلك
بأتمنى تضوي بقناديلك
كنت بناجي الليل وشجونه
وأبعتلك نجمه تغنيلك
كانت روحي تروح وتسيبني
وأسأل فينك ولا تجاوبني
وجعك في حياتي وف سنيني
بعد ماقولت خلاص انسيني
ونسيت إنك واخد روحي
ولا عمرك بتداوي جروحي
وبعد دا كله راجع تاني!!
بتخربش زمنك وزماني!!
إبعد عني وروح ياأناني
اه لو يرجع بيا زماني
كنت نسيت حبك فى ثواني
راجع ليه... راجع ليه؟!
فاطمه علام
ليست هناك تعليقات:
إرسال تعليق