لسواد عينك
لسواد عينك يا ليلي
هلهلنا هلاهيلي
ميلة خصرك يا ويلاه
ريتا تسلم هالميلة
شعرك يا لون الخرنوب
نجمك ساطع ومحبوب
عم دوب بحبك عم دوب
معتر وما لي حيلة
لما الكاس بيقدح كاس
بتتناقل أخبارو الناس
سنونك يا صف الألماس
يا بو القامة الطويلة
أيمت يا غزالي بتعود
بدفي قلبي المبرود
بدي بوسة من الخدود
والله الضمة قليلة
والحاجب رسمة هلال
جبينو يا بدر الكمال
و رموشك سهما قتال
صابت قلبي و دليلي
خدودو بساتين زهور
ليلك وفل ومنتور
جينا لكرومك نزور
نقطف ونعبي السلة
غزالة وبتشوف بحالا
ما في ريم بجمالا
لما بتزيد دلالا
يا تعتيري يا دلي
منديلا مطرز داناديش
سلبت عقل الدراويش
ع خبزة وبصلة منعيش
ومافي فرنك بهل السيلة السيلة : الجيبة
حسن الحداد
ليست هناك تعليقات:
إرسال تعليق