خواطر بعنوان : ( نظرة تفاؤل )
لما بشوفك قلبي بيفرح
روحى بترفرف
فكرى بيسرح
نفسي اضمك
واوصف وامدح
نفسي اقول لك
انسي وافرح
بدات لحظة
وزال الجرح
كل هموم الدنيا ساعتها
رحلت عنى فى ثانية دارتها
غابت بعدت رحلت يومها
عرفت ان حياتى لقتها
نظرة جديدة لكن حبتها
اجمل ضحكة ساعتها راتها
هزت ضعفي بكل طاقتها
رغم الامى شىء جوايا
عايز يوصف احلى حكاية
هى رواية لقصة حبي
لما بشوف بعيونى يعدى
رمز وخطف احلامى وودى
كلمة بقولها لروحى تحدى
نفسي ابوح بغرامى ووجدى
فكرة ومرت توصف حالى
لما نسيت وسهرت ليالي
احلم كل نغم وامانى
حلم حقيقة
لغز خيالى
شوقى وصبرى
ولهفة قلبي
لما عيونه
نظرت جنبي
جات في النني
وجرحت قلبي
جات في عيونى
وداعبت خدى
روح بتحرك
كل كيانى
رسمت بسمة
وهمست نسمة
ورقت وردة
لاحلي معاني
اتذكرت سنين الماضي
اتمنيت ارجع وانادى
لما رايت الغصن البادى
لما شريت الفرع النادى
كان الجرح
لشجنى وحالى
اتغيرت ونولت امالى
واتحيرت وكنت مثالي
لكن شوفت
جمال ربانى
بقلم محمد عباس
الاسماعيلية .مصر
ليست هناك تعليقات:
إرسال تعليق