ذنب مين
بقلمي
هلال البنا
،،،،،،،،،،،،،،،،،،،،،،،،
هبل الصنم كان محترم
ولا يوم طغى ولا ظلم
وذنبه إيه عملوه إله
جبوه وحطوه في الحرم
والأسئله. متلتله
قول ياابن آدم. أجوبه
هبل الصنم
هو؟ قال أنا الإله
هو بيمشي بالقدم
هو بتتحرك شفاه
هو بيسمع بالأذن
هو بتتحرك يداه
هو هبل عنده عقل
هو الصنم عنده فهم
هو صخر صنعوه بشر
منحوت من الطوب والحجر
ولا بينفع ولا بيضر
هو صنم. صح الكلام
لا بيفرح ولا بيحس بألم
ولا بيخطيئ ولا يعرف ندم
والعتب عالي جابوه
وحطوه في الحرم
يعبدوه من غير فهم
لا بينهان ولا بينشتم
لا بيبكي ولا بيبتسم
الصنم هبل
كان بيحلف بيه ابو جهل
ويطلب منه بالجهل
حفظ المال والأهل
كلام كفار وكان سهل
زي كهنة. ٱمون
وبعد غرق فرعون
راحوا وعبدوا العجل
هبل الصنم
ياما وصفوه بالكرم
وإنه إله محترم
بيديهم ويعطيهم
ويمن عليهم بالنعم
وكلام هبل ف الجبل
إزاي الإله هبل
بيحفظ الإبل
هبل الصنم
بيحفظ الشاه والغنم
طب هو مره قال كده
له أفعال بالشكلده
حتت حجر منحوت
لا عايش ولا بيموت
لو تكسره فتافيت
أو تدفنه في غويط
ولا وزن ف الملكوت
لا كلام ولا سكوت
وقالوا نازل م السماء
بينصف الضعفاء
وبيهزم الأعداء
وبيشفي كل داء
ده جهل وللا غباء
والا البشر جبناء
هبل الصنم
صنعوا له يد من ذهب
ويركع له أبو لهب
وهو مالهش ذنب
وماقالش أنا رب
لا بيكره ولا بيحب
ولا عنده ضمير
ولا له قلب
ومع الأسف هبل الحجر
إللي لا سمع. ولا بصر
دينه انتشر بين البشر
مع تعدد الأشكال والصور
ناس بتعبد نار
وناس بتعبد حمار
وناس بتعبد فار وصرصار
وناس بتعبد الجاموس والبقر
وناس بتعبد الشمس والقمر
وناس بتعبد الشجر
والأدهى والأمر
في ناس بتعبد البشر
،،،،،،،،،،،،،،،،،،،
ذنب مين
بقلمي
هلال البنا
ليست هناك تعليقات:
إرسال تعليق