...........(تعظيم سلام) ..........
****
*تعظيم سلام
لكل من تعب وربي الولد
وعلمه حب الكرامة والشهامة والبلد
*تعظيم سلام
لكل من بدل لنا روح الهزيمة
وزرع لنا في جندنا قوة وعزيمة
*تعظيم سلام
يابطل يا ابن الأصول البار
ياللي مسحت من كل النفوس العار
*تعظيم سلام
ياللي جازفت وعبرت القناة
وصنعت من جسمك وقلبك درع الحياة
*تعظيم سلام
لأم الشهيدالمخضبة بالحنة
أبشرك مع الشهيد والرسول في الجنة
*تعظيم سلام
يانسر طاير في السما
تصطاد خفافيش الظلام المجرمة
*تعظيم سلام
ياشرارة مولعة حصون اليهود
ياللي عقيدتك إن دي حرب الوجود
*تعظيم سلام
لأرضنا ورمل سينا والحدود
ياللي ارتويتي بدم يطرح لك ورود
*تعظيم سلام
للبطل اللي سطر قصته
أحكيها لابني واعرفه طريقه وسكته
*تعظيم سلام
ياللي حاربت العطش والجوع
مصيت الزلط والندي واليأس ليك ممنوع
*تعظيم سلام
وتحية ليكم يا جند بلادي
ياللي رسمتم ملاحم جننت كل الأعادي
*تعظيم سلام
لكل من رسم لينا المباهج
عدلت كل الخرايط وبدلت كل المناهج
*تعظيم سلام
لكل مصري في موقعه
يرسم وجوده ويصون حدوده ومدفعه
*تعظيم سلام
ليكي يا مصرنا يا عزنا يا مجدنا
يا صابرة وراضية رغم اللي شوفتيه مننا
*******
تحياتي /أحمد العدل
ليست هناك تعليقات:
إرسال تعليق