بقلمي هلال البنا
***....***....***....***
أمره بين الكاف والنون
كل حرف أكيد موزون
المتحرك والمسكون
قولوا سبحانه خالق الكون
مالك الملك والملكوت
نفخ الروح وخلق الموت
هو الخالق هو الرازق
والباقي والكل هيموت
خالق الناقه من الأحجار
ونجى يونس بالأذكار
قبل الموت في بطن الحوت
ونجى لوط من الأقذار
نجى نوح يوم الطوفان
ويغرق إبنه بالعصيان
والكفار والأرض. دمار
تنزل السفينه في أمان
نجى إبراهيم من نار
وخلا النار برد وسلام
كسر أصنام الأحجار
ودين الله هو الإسلام
نجى موسى فى البحار
وأغرق فرعون الجبار
بعصايه ضرب الأحجار
نزلت ميه عيون. أنهار
عيسى كان ب يحيي الموتى
ب أمر الله
وكان بيرجع بصر الأعمى
ب أمر الله
أمه مريم ومالوش أب
ب أمر الله
والأكمه والأبرص يشفى
ب أمر الله
كان زكريا وامراته عاقر
جاتله البشرى بيحيى مباشر
الست مريم تاكل الفاكهه
وكانت الفاكهه مش أوانها
قام زكريا. ولله ذاكر
يدعي المولى وراضي وشاكر
نجى محمد جوه الغار
والكفار شيفينه بعيون
ونصره في بدر على الكفار
والإسلام نور في الكون
شمس بتطلع متغيب يوم
قولوا سبحانه مالك الكون
عارف الظالم والمظلوم
وأمره بين الكاف والنون
***....***....***....***
بقلمي هلال البنا في
الكاف و النون
ليست هناك تعليقات:
إرسال تعليق