قعدت الليلة تا اشرب قهوة بكير
وذكرتك قبل الضحوة وأبكر بكتير
ويمكن شايفلي شوفه بنص الليل
وها الشوفة خلت ذهني يزيد التفكير
شايف إنك حلمانة بنهار العيد
وبدي اهديك شي هدية فستان جديد
وخايف ما يروح ويلبق بدي اعلق
وبعد إذنك ياالله فيك التدبير
وبدي اهديك نضارة لونا أزرق
بلك بتغار الجارة وفينا تعلق
الجمعة جاييك زيارة مابتعوق
ويوم الجمعة الي بعدا مافيه تأخير
بدنا نعمل زيارة صوب القدموس
وتحطي ها النضارة وافضل ملبوس
ندور.من حاره لحاره تنجيب فلوس
وأنا تقاتلني مرتي وزاد التعتير
قلتيلي أوعى تغلط قدام الناس
وتحكي شي كلمة صغيري من دون إحساس
قلتلها أمرك واجب أمرك ع الراس
والحب مكسر ريشي مكسر تكسير
بقلمي / ابو باسم عيسى العيسى /
جبلة - سوريا
ليست هناك تعليقات:
إرسال تعليق