بقلمي هلال البنا
هي نفخه
...............
وقف الملاك وخلاص
ماسك فى إيده الصور
وهاينفخ فيه النفخه
يا مغرور
لا مال هاينفع
ولا شهود الزور
والمال والمناصب
والجمال هيغور
والأرض لا هتلف
ولا هتدور
وهتبقى فاضيه
بعد هدم الدور
لا ملاهي ولا فلل
ولا خدم وقصور
لو كنت نجم
فى السما ومشهور
أو كنت قمر يطلع
سنين وشهور
مغرور وتطمع
تبقى شمس النور
المال هايفنى
وهاتسبوه مصرور
والآخره جايه
تكشف المسرور
ولا فيها وسطه
تجبر المكسور
وهي نفخه
وحده يا مغرور
واقف الملاك وخلاص
ماسك فى إيده الصور
ينفخ تزول الأرض
ويكشف المستور
وخلاص هاينفخ
كله لازم يغور
والسما تنكشف
ولآ شموس وقمور
ووحش كاسر
ويا البشر محشور
والعاصي خاسر
أما المطيع مشكور
والكل نفسي نفسي
حتى الرضيع محصور
والطفل مرمي ومنسي
والكل تاه في نشور
يام الرضيع ماتحسي
عند العرق ميفور
وقت الزهول ماتبصي
مين يجبر المكسور
واقف الملاك وخلاص
ماسك في إيده الصور
وخلاص هاينفخ فيه
النفخه يا مغرور
وهي بس نفخه
وكله لازم يغور
مال وجمال
ومناصب
والفلل وقصور
تحت التراب
هيكون
كل البشر مقبور
...............
هي نفخه
بقلمي هلال البنا
ليست هناك تعليقات:
إرسال تعليق