شروقية تنزف وجع متل حالتنا
يا طير خدني معك صوب الحبايب روح
مشتاق صرلي سنة ما غفيت عيوني
يا طير قلبي دبل ع فراقهن والروح
صارت متل شمع الندر قدام إيقونة ي
وجسمي متل شي غصن متكسر ومشلوح
ع حفاف ليل البرد وصقيع كانوني
لا الطب عارف علتي ولا في دوا لجروح
وسعت ونزفت ألم ودموع وسخونة ي
ولمين بدي اشتكي ولمين بدي بوح
والناس خلف الشقا والهم مسجونة ي
معقول صار الوجع في شرعنا مسموح
يما ظروف الحرب هيي اللي مجنونة
الله يبعد عنكم الهم والوجع ويجمعكم بأحبابكم أصدقائي
فايزة معماري من المشتاية
ليست هناك تعليقات:
إرسال تعليق