( شم النسيم )
الشاعر // سعيد حسان
طلعت في يوم من الجامع
لقيت منشور ليوم الاثنين. قالوا لي احذر ده يوم محظور
وقالوا كمان دا شم النسيم مهواش عيد
ويبقى حرام ما هوش من الدين
وقلت بيان قولوا لي مين ما هوش عارف بان العيد في شرع الله يومين اثنين ؟؟!
دا عيد اضحى مع الحجاج وعيد الفطر من رمضان
بقيت حيران دا يوم عادي من الٱيام هيبقى حرام ؟؟!
وكنت زمان وانا صغير باشوف البيض بقى بٱلوان وطعمه جديد ومتغير
قالولي ده بس من التلوين وعادة قديمة مصرية بقالها سنين
ورثناها من الفراعين
وليه خايف دا كل الدنيا تتوحد مع المصري في يوم واحد
وانا شاهد وانا حالف ما هواش عيد
ده يوم هادي بنطلع فيه نشم نسيم ونتصاحب ونتقابل في كل ميدان من الميادين وديك شايف ودلوقت تقول بدعة يا عم حسين
معاذ الله دا يوم ذكرى ويوم عبرة ويوم ننسى الهموم ونقوم من النجمة
عشان نطلع ونتقابل مع النسمة مع البسمة مع اولادي
نلاقي الكل مستني بيحضن وردة في الوادي
ودا ينادي ودا ينادي بصوت مفهوم وكله إيمان يسبح ربنا المعبود بكل لسان
و سبحانه خلق صور وٱبدع صنعته في الكون ومش حاسين
بقالنا سنين بقى لنا زمان خدتنا الدنيا بهمومها اللي عمالة تزيد وتزيد
ولسه برده بتقوللي حرام نطلع يا عم سعيد
ده شم نسيم ماهو ش. هير وين يا ٱهل الدين
يا ٱهل الدين كلام مش سرحنقوله لوجه الله
نسيتو شعبنا المحروم من النعمة اللي كات بالكوم
وجاله اليوم وبعد ما تاه صحي من النوم ومش شايف بقي يحسس
سيبوه دلوقت يتنفس نسيم الحب والعزة بحرية
و نسمة شوق معدية
وكلمة من كلام مسطور كتبها دم كل شهيد
لعهد جديد وكل الدنيا بتغير كٱن ف عيد
جموع جاية بدون تحديد كٱن عبور
وصوت عصفور يزقزق فوق مع اخواته بمييت غنوة تقول حلوة
ٱقول ٱحلى متين مرة من الٱرغول
لقيت ٱشجار مدلية بعرض وطول
تسرح شعرها شوية بحنية
و شجرة توت عليها ولاد ومحنية على المية
ونص بعيد دي بنت بنوت بتلعب حبل ع الشطين مع اخواتها وفرحتها وضحكتها بٱعلى صوت ساعتها قلت والله دا مشممكن هييجي يوم وشعب يموت
ومهما يفوت هيفضل برده يوم يطلع يشم نسيم في ٱحلى ربيع بدون ترويع
بدون تنهيد وكل الدنيا سمعانا نقول ونعيد
وبندعبس على حجة تطلعنا من الازمة اللي جوانا وننسى دنيا وخدانا
بعيد وبعيد وقلب حديد عليه القطر بيعدي
لكن برده دا ٱي حديد بييجي اليوم و بيصدي
ويمكن نسمه بتعدي وبتهدى تريح قلبك كان ولهان وكله ٱنين
سالني صاحبي هتروح فين وتييجي منين ؟؟!
سؤال حير نجوم الليل
هييجي اليوم وتتغير ؟!! وانا صغير سؤال خلاني متحير
مفيش تغيير
وعندي دليل
دا كل مكان في وادي النيل بقا عندي ميدان تحرير ميدان تغيير
و انا عمري ما هتغير
في شم النسيم
( شم النسيم )
للشاعر // سعيد حسان
ليست هناك تعليقات:
إرسال تعليق