مظبوط لمّا قال بالماضي المتل
منذ الأزل قال العشق يا ما قتل
هيدي حقيقه مش كلام وفزلكي
مع هيك جايي فوت قلبك عا عجل
تا خبرك أديش في عندي حكي
وإنو نصاب الشوق بالقلب اكتمل
كرمال عينك طوّبت حالي لكي
وحامل ع كف الروح شمعات الأمل
بضوّي طريقك ليش إنتي ملبّكي
جايبلك من الشعر موسوعة زجل
بعمّرلك من الحب أحلى مملكي
وتبقي الأميرة فوق مملكة الغزل
مكتوب إسمك من عبير الليلكي
وعمري إلك مخلوق من قبل الأزل
ما بخاف إني موت عا صدرك أنا
فيكي يا حلوي الموت أحلى من العسل .
- عيسى فضة -
ليست هناك تعليقات:
إرسال تعليق