دلعونا..
على دلعونا وعلى دلعونا
خليك ببيتك لو بتحبونا
هيدا كورونا جانن عالآخر
خليك ببيتك أوعاك تخاطر
غسّل دياتك يالله ياشاطر
بالمي السخنه مع الصابونا
أمانه يا بني خليك قدامي
وإن بدك تطلع اِلبس كمامي
مابدنا نعيشا حسرة وندامي
أزمة وبتعدّي يانور عيونا
بحبك يا ولفي والله بحبك
حلمي ومناي أبقى بِ قربك
لكن يا غالي بحياتو لَ ربّك
أجلّها شويه وبكون ممنونا
حظر التجول هيدا كرمالك
لا تستخفّو وتضيع حالك
خليك ببيتك والله أحلالك
بتسلم وبنسلم من الكورونا
على دلعونا وعلى دلعونا
خليك ببيتك لو بتحبونا
.. محمد عزو حرفوش..
ليست هناك تعليقات:
إرسال تعليق