قصيدة:شروقي ( مدين رحال)
عشرين عام وأنا عم عد بالأيام
ومرت سنين العمر والهَم عبّاني
ماراح عني النَكَد حتى تحت الحْرام
يمكن بِنَومي القهر ماكان ينساني
عايش حياتي تَعَب والآخ فيي هام
وممنوع إحكي أنا كلمة على لساني
لو بان فيي الوجع رح يشمتو اللوام
ومات الضمير الوعي عا حِس إنساني
حتى جحيم الفقر سلّم عليي وحام
استوطن ببيتي وبِدي يطرق ع سنداني
بسهر بليلي انا مع غفوة النُوّام
وكاسات ليل الألم عاطول ملياني
وين الكورونا يجي يرشق علينا سْهام
يمكن يكون الدوا ل قلوب حزناني
وياريت الله العلي يوم القيامة قام
من قبل روحي انا ما تكون خلقاني
ليست هناك تعليقات:
إرسال تعليق