قصيدة : عيدالشهداء(مدين رحال)
جايي اليوم عايد عا بلادي
واترحّم على رْجال المبادي
مْبارك يا شهيد العزّ عيدك
بقوّة زندك نْصدّ الاعادي
ياما الجرح نازف من وريدك
و تصبر ع الألم وتقول عادي
لحتّى تحرّر بلادك بإيدك
تصرخ صوت و ينادي المنادي
بتدعي ربّنا نَصرو يزيدك
على درب الشهاده تْكون غادي
ع جنّة ربّنا راحل بريدك
بْحمى الرحمَن وبأطهر أيادي
إله الكون من عطفو وحنانو
تحت راسك يحطّلك وسادة/ي
...............................
كلماتي وبقلمي انا مدين رحال
ليست هناك تعليقات:
إرسال تعليق