بالمفيد المختصر ---- للشاعر المبدع نصر علي ميكائيل

بالمفيد المختصر ...حبيتها

ومحبوبتي ما عندا خبر ..

ومحتار كيف بدي وصلها خبر ..

ومرة صبحتها بالخير ..

ردت يا هلا ..وغطاها الخفر ..

ودارت الأيام ..اقضي الليالي تفكير وسهر ..

اكتبلها حكايات ..وألف قصص..

وارسملا صور ..

وبيوم شفتا بالطريق تمشي بهدا وتتغندر ..

وقفت قدام هيبة جمالها ..خجلان متبسمر..

اطلعت بوجه البدر ...تلبكت..

وبعيونها اسكر ..

اطلعت فيي...اضحكت أنا..

ردت الضحكة ..وقالت ..شو الخبر..

قلتلها.. وحياة الخالق جمالك ..بملي عيوني من القمر ..

ضحكت عيونها ..من الفرح ..

وصاحت ....الله ...شو كلك نظر ..

وقتها ...ت عرفت إنو محبوبتي صار عندا خبر ..

نصر علي ميكائيل

..