حروفى قاصرة فى وصفك
أو تقرب من حذاءك
فأنا وكل حروفي
كدابين ولو بوسنا مداسك
فى كل صباح
أتمنى
وأشتاق لصوتك يصحيني
لكن بعد أيه اهى ماتت
من كانت تسهر لصباحك
أتلكع دوما قدامك
علشان يشملنى دعاءك
وتشيعنى تبريكاتك
وكلامك الحلو تملي
ف بعادك تهت بحالى
مش لاقى ضحكتك الحلوه
وبقيت أنا والصبح يتيم
بأحاول اطلع من جسمى
ضحكه قديمه من نفسى
تكوني زماااان ضحكتي عليها
وأمسح بيها سواد الايام
وأوزعها على كل الأيتام
اللى أيامهم زيي حزينه
واللى نجومهم لسه حزينه
وفى المساء أرقد حزين
مش لاقى حد يغطينى
ويقولى نام قرير العين
وتصبح على خير يا قريني
مديون لك بكل حياتى
يارب لها
فسيح جناتك
******
صبري عبد العزيز الاشقر
مصر
ليست هناك تعليقات:
إرسال تعليق