/ نص على نص / شعر محكي
ياريح هدّي خزّقت نص الورق
شو عاد رح تنفع معو خرّازتو
نص العمر هونيك بالغربة انسرق
نصو اهترى ونصو بقي بزنزانتو
ونضّارتو متل القلب نصا احترق
وجايب معو نص البقي بإجازتو
ونص العشق مفقود عا آخر رمق
ونبع الأماني صار عا نزازتو
سهم الوقت من نص أيامو اخترق
ونص الحلم ماشي بنص جنازتو
ولمّا رجع عا ضيعتو يشم الحبق
ونصو البقي ناوي ع نص جوازتو
ملهوف من مفرق فرح لمّا فرق
تفركش بعصف الريح من نصو مرق
نصو أخد والنص من عكازتو .
د. عيسى فضة
ليست هناك تعليقات:
إرسال تعليق