هلال البنا
بقلمي
كلام عاصي
أنا العصيان راكب راسي
وعكس السير أنا ماشي
وعارف إن انا قاسي
وناسي أهلي مع ناسي
أنا عاشق هوى العصيان
ومدمن قعدة الشيطان
وبالباطل أنا. واصل
كلام ولسان في كل مكان
وطول عمري بحب القرش
حلال وحرام بحط في الكرش
وعندي المال جيبي مليان
واكون سلطان قاعد عالعرش
ضميري ليه يكون صافي
وده طبعي وأوصافي
وعمري يوم ماكون مظلوم
ومتغطرس. ومتعافي
وشايف مية فقير حافي
ودخل ضعيف مهوش كافي
ماليش دعوه دي ناس فاضيه
وأنا عايش شايف كيفي
ماحبش يوم كرم ضيفي
وحاطط عالجميع سيفي
وجاري مكوي من ناري
وواخد الدنيا. باكتافي
أنا مالي ومال غيري
يولع بس بعيد خيري
بعيد عني مايشغلني
وهي. دي خطوط سيري
ماليش دعوه بيوم آخره
وعندي الناس عبيد صخره
حبيبي إللي في. جيبي
واعيش. اليوم مافيش بكره
و ماحبش اكون لحد. كريم
وانا عايش في دنيا نعيم
غني وطماع وعندي متاع
ولا قلبي لحد. رحيم
بلاش نجيب في سيرة الموت
وانا عايش كده. مبسوط
وطول عمري بقول بدري
ولسه كتير وهس سكوت
ومش تفضل تقولي ضمير
وتطلب مني شيئ لفقير
وكتر كلام عن الأرحام
وجنه ونار جزاء و مصير
أنا راضي ومش فاضي
ومش بسمع كلام فاضي
أنا عارف ومش خايف
حساب وعقاب ولا القاضي
شارب كاسي ولا ف راسي
ولا أعلنت. إفلاسي
ولا موضوع في يوم هنجوع
ولا رغيفي من فاسي
أنا العصيان راكب راسي
وعكس السير أنا ماشي
وعارف إن انا قاسي
وناسي أهلي مع ناسي
كلام العاصي
بقلمي
هلال البنا
ليست هناك تعليقات:
إرسال تعليق