منولوج
كورونا أكشن تانى مره
كورونا أكشن تانى مره
هيخلى حياتنا مـُـــــره
نـــــــــــــــــــــازل أش
ولابكسلـــــــــــــــــش
راكب راســــــــــــــــه
ولابيرجعـــــــــــــــش
وكرشه واســـــــــــــع
مابيشبعــــــــــــــــش
واللى عدى منه مـره
ياخد باله ومايفرحش
ياجماعه الأمر مايسلمش
مش علطول سلمانه الكره
كورونا أكشن تانى مـَـّره
***
جاي ومستقوى السنادى
مجنون جدا مش هادى
ولا نافعه الكمامه
ولانافع معقم
وكل يوم ياندامه
على مـَـِيت بـُنـْلطم
وهلما جره وهلما جره
كورونا أكشن تانى مره
***
بنرش الكلور
فى البيت والشوارع
وف كل طابور
المكان واسع
عشان كورونا يغور
وكفايه مواجع
لكنه بعاندنا
ودايما بيهددنا
وبيقولنا عـَنكو
ابدا مانيش راجع
شادد جدا حيله
والطب احتار دليله
ولا شايف راسه
ولا شايف ديله
وماحدش هيزيله
الا رب القدرة
كورونا أكشن تانى مره
**
الحل النهائى
والواقى الأكيد
اننا لله نرجع
ونتوب من جديد
ولأوامره نسمع
هوه دا المفيد
ونصلى الفروض
وللأخلاق نعود
ونخافه فى السر
ونخافه فى الـَجـْهره
كورونا أكشن تانى مره
***
تقولو عليا شيخ
تقولوكمان درويش
الحل اللى انا قولته
والله غيره مافيش
الحما بالتوبه
والرجوع لله
جربوها نوبه
وانتو ياخلق الله
حتلاقو الدنيا
حلوه ومستقرة
وكورونا اللى تاعبكو
فى لحظه تجيلو فـِـــَره
كورونا أكشن تانى مره
••••••••••••••••••••••
كلمات
شاعرالإحساس
رضاعبدالحميد
ليست هناك تعليقات:
إرسال تعليق