محكية غزلية..
حبيبي قلي حاكيني..
و غمزات من بعيد اهديني..
لا تغيبي عني لحظة..
و قوليلي بتحبيني..
قلتلو يا دلي شو محتال..
كل يوم بغنيلك موال..
و لو مرة ما غنجتك..
بتسألني شي مية سؤال..
يا ويلي شو بيتدلل..
بس والله بيلبقلو الدلال..
قلي طيب شو هوي الحل؟
بدك إبقا..
أو بدك فل؟
قوليلي يا قمر الكل..
والله بجمالك دايخ..
قلتلو وينك رايح؟
رجاع و بيكفي فضايح..
ما أنا متلك يا مجنون..
غرامك بعيوني واضح..
اغمرني جواتو لقلبك..
و خبيني بكل المطارح..
قرب رح وشوشلك سر..
و أعطيك بالحب نصايح..
إنصاف قرقناوي
ليست هناك تعليقات:
إرسال تعليق