هلال البنا في
..................... واحدوعشرين....
واحد وعشرين هلي بخير
إحنا دعينا وقولنا أمين
والحب بيناو يبقى كبير
لاجل وطنا دنيا ودين
يا عشرين يابو كورونا
ماشي وسايب همك فينا
وبشر ماتو بالأولوفات
أختي واخويا و أمي وابويا
يا 20 روحي وم الآخر
كنتي صعبه على المساكين
فقر فظيع والجوع كافر
ويسترها في واحد وعشرين
كان أعباء على الفقراء
كهربا ميه طعام ودواء
والمعاشات ومرتبات
محلك سر و ألف وباء
واحد وعشرين مرحبتين
تعالي بفرحه للمحازين
مني علينا وفراحينا
داحنا غلابه ومطحونين
كانوا الفقرا في عشرين
فقر معاهم بث مباشر
كان وياهم صايم قايم
عايش ويا الكل ومعاشر
واحد وعشرين هلي بسرعه
وبلاش تبقي بنت القرعه
في 20 كسر خواطر
حني علينا وادينا جرعه
واحد وعشرين فيكي آمالنا
إصلاح حالنا وحال عيالنا
في 20 كان متحاصر
كابس الفقر علينا واكلنا
واحد وعشرين هل يازين
وخلي عندك رحمه ودين
الناس طافحه وفين الفرحه
وفي عشرين منتحرين
واحد وعشرين عشرين فات
كفايه حوادث في الطرقات
في القطرات والسيارات
هلي بخير وبندعي يا ساتر
واحد وعشرين ياللا بسرعه
زهل علينا بنصر مبين
تصحى الأمه بوحده وهمه
وعلى أعدائنا منتصرين
واحد وعشرين حفله وهيصه
وكل مسجد جنبه كنيسه
والهليله والكل عيله
ضد جبان ويد خسيسه
يا عشرين يابو كورونا
خدت أهلي وأمي وابويا
وبشر مات بالأولوفات
ولسه سايب همك فينا
واحد وعشرين هل بخير
واحنا دعينا وقولنا آمين
والحب فينا يبقى كبير
لاجل وطنا دنيا ودين
............. واحد وعشرين.......
بقلمي
هلال البنا
ليست هناك تعليقات:
إرسال تعليق