الساده
هلال البنا
...................
ساده وزياده
.......... والمظبوط
والمتحو وج والمخلوط
والمتكرمش والمخروط
بيقول أصلي
.............وجاي يرقصلي
ماشي بيعرج كان مخبوط
............ ...وكان منحوس
شاف على وش القهوه السوس
وعاوز فلوس
..............والقهوه من بن مغشوش
وجع بطون ونفخ كروش
.............وبيلحفلي بن مخصوص
زعلان ليه وراح مقموص
............... وعامل زي ما يكون ملبوس
لابس بس زي البلبوص
..........لابس الساده والمنقوش
منقوش عاده
...........والمخطوط
وحفر مضلع
.......... والمضغوط
ومنه ضماط
............وفيه منقوط
والكرهات
.........وعين كتكوت
والألوان و منه اقلام
..........شرط فانله والمشروط
...........وابو رجلين و الشلوت
وابو عصيان وابو نبوت
..........والطرطور والظنوط
والعميان وهس سكوت
.........والمصخوط والهلفوت
والبهلول وابو زعبوط
عنده الرعشه كان مخبوط
ويا الساده كان مظبوط
أما العاده شارب زياده
والسكر تموين مخروط
جاي العيد ولبس جديد
وكعك بسكر والبسكوت
عاده وساده وحلو زياده
........... ده منقوش وده مخطوط
منها الأصلي والمضروب
....والمضروب بيبان على الوش
وش القهوه مش مظبوط
خاصه الساده لو فيه غش
والمغشوش مالهش وشوش
في المتحو وج والمدشوش
وليه هتقوم وخليك قاعد
...........كمل قعده وخدني مساعد
ولو زعلان عنك ها تباعد
........... راضي الساده ونجمك صاعد
لونك حلو رصاصي و باهت
........... وبلاش فاقع خليك عاده
ياما ألوان كات زاهيه ودابت
...... وياما أصوات كات عاليه وغابت
و شطارة في الدنيا وخابت
..............فيها الأصلي والمضغوط
والمتحو وج. والمخلوط
............. وفيها الساده والمظبوط
وفيها زياده وفيها العاده
......... بس الساده عاوزه إراده
علشان مره وصبر زياده
............. لكن العاده والمظبوطه
بالحكمه سكر محطوطه
.......... والمظبوط مش عاوز حاجه
بن وسكر فيه مساواه
.............والساده مر ومعاناه
أما العاده فيها إفاده
........... والأسعار مش حمل زياده
خليك زيي بحب الساده
..............ولو مش ساده يكون مظبوط
أصل الساده بحكم العاده
.......... كلمه زياده و فيها سكوت
ساده وزياده
...............والمظبوط
وفيه الأصلي
...............والمخلوط
منقوش عاده
...............والمضغوط
وحفر مضلع
..............والمخطوط
ومنه ضماط
................والمنقوط
والكرهات
...........وعين كتكوت
ومنه امقلم والمتعلم
...............والمحطوط
فخد وركبه وبونيات
.....وكام مخبوط بالشلوت
والعصيان والنبابيت
...... والأقلام على لوشوش
شاربه البن وكان مغشوش
........كان مركون ومليان سوس
والسوس فينا بقى محسوس
........كبر وعشش صبح وحوش
وعلى مصلحة الكل بيدوس
.......تعب البطن وخرب الروس
وخرب الدنيا وتعب نفوس
........وخلا. الزمه بقت بفلوس
عمه وساده كوفيه زياده
.......... لون الجبه. والطربوش
والقفطان من نوع مكبوس
........مصنوع من عصر الهكسوس
إنك تاخد منه إفاده
..........غير القعده وفيها كٱبه
والدوران والكرش زياده
.........شيئ محطوط بالمظبوط
وكان بيموت في القهوه الساده
ولا بيحب مظبوط وزياده
..................
الساده
بقلمي هلال البنا
ليست هناك تعليقات:
إرسال تعليق