( باب الروح )
لمّا العشق دقدق ع باب الروح
رد القلب ما في حدى راحوا
ياخجلتي ما ضل غير جروح
والضو مطفي طار مصباحو
ما ارتاح يللي راح عم بينوح
ويللي بقوا بهالليل ماارتاحوا
وقبل العشق ما يودع المجروح
والعندليب يودع . . جناحو
قلّو القلب لا تدق مش مسموح
هالديك غافي تخرسن صياحو
هالباب عشر سنين مش مفتوح
مدري انكسر مفتاح باب الروح
مدري وقع بالحرب مفتاحو .
د. عيسى فضة
ليست هناك تعليقات:
إرسال تعليق