/ يا رفيقي وصديق
-------------------------/ (1)
(زجل)
إلى فاق حرفي سكران
يلعن رئيس او قبطان
يدخل... ادخول الساهل
يخرج..... خروج العاقل
عارف راسو من رجليه
إلى فاق الحرف الغضبان
كيفو كي الحرف الجيعان
ايدخلوا وسط الميدان
كل واحد ساير زعلان
عارف.... الواجب عليه
كلهم ساروا مع لبحور
تمة........ تركب الجذبة
كل واحد شارب كاسو
عامر..... من فم الغلاي
يا فلانة اخي فلان
انت في كل الأزمان
بيدق.. شوية حيران
جيني راكب البوراق
هربني فاظلام الليل
لا علي..........لا عليك
غ تحير هاك المزمار
غني ديك الانشودة
خليها.... اتفتح وردة
في ديوان الصالحين
إلى كنا أولاد الأمس
فينا ااالشباب ايعاني.!
*ديك الشيبة اللي بالراس
أسبابها...الف فقسة
غير حدث ولا حرج
قلبي و ذاتي معاك
لا اتدير... فمك فالغيطة
اتقول لي مزينها عيطة
نوض أرقص غير شوية
سبحان الله على زمان
لا اتقول لكحل او لبيض
كل واحد..... عارف باباه
سربي قول اللي عندك
راني امحزم باحزامي
داير....الشمار فاكتافي
معروض..الشي حفلة.!
يا رفيقي....... يا رفيق
من اخوك في الطريق؟
هم جميع ااااالمداويخ
العابد عبد الرحيم:26/10/2019
معلمتي الفقيه بن صالح
٠
ليست هناك تعليقات:
إرسال تعليق