فيكي يا سوا ربينا بهالعام
بفرح رفعت البردايه/ي
فتحت شبابيك الأحلام
حتى الأيام الجايي
تلاقيلي ع دراج الشام
تجيب شموع مضوّايي
بلكي بيفوت السلام
حامل قلم ومحايي
تا نمحي حروف الآلام
يارب تصح الآيه/ي
وترجع أيام الوئام
بين الرايح والجايي
وتعزف للحب الأنغام
تنحقق كل الغايه/ي
ومن فوق براج الحمام
إيد بإيد وقلب بقلب
نرفع ونعلّي الرايه/ي . عيسى فضة
ليست هناك تعليقات:
إرسال تعليق