غبتِ ياأمي والفرح بعدك غاب
الورد من حزنو دبلت أوراقو
اعتلّ قلبي عَ فراقك وداب
لو تعرفي صوتك عم اشتاقو
كل شي تغيّر من هول المصاب
وكلّ ذكرياتك الحلوة فاقوا
عمري يا أمي عَ رحيلك شاب
ما بقي مرّ هالقلب ما داقو
الأم عطر فايح بكل كتاب
حروفو طهر بتعانق أوراقو
بيت لْ مافيه أم تفتح الباب
انهدّت أركانو وبليت أعناقو
اللي ماعندو أم يشقشق تياب
يبكي ويخبي صورها بأحداقو.
.. محمد عزو حرفوش.
ليست هناك تعليقات:
إرسال تعليق