شو عم بيصير؟
شو عم بيصير ياعالم
شو عم بيصير
كترانه/ي عنّا المظالم
الهمّ طوابير.
كانت تحسدنا الدني كلّا
خربوها وقعدوا على تلّا
وحلّا إن كان فيك تحلّا
يا وجه الخير.
ناس بْ وجعنا بتتسلّا
ونحنا بالنار بْ نتقلّا
لسا ما قلنا بسم الله
وقعنا بالبير.
هرهرتو أوراق التوته/ي
حرمتونا حتى البسكوته/ي
ويا دلّي إذا برفع صوتي
شو بصير شرّير.
هي جزء صغير من القصه
فيها شي كم مليون غصّه
اعطونا شي لهّاية نمصّا
شبعنا تعتير.
ما بنعرف شو مخبا بكرا
شي حدا يعطينا فكره/ا
يا خوفي من بعد السكرا
نصير عصافير.
تأخرتوا كتير يا ساده
تأخرتوا كتير
مرمطوا فينا كالعاده
بْ كتر التنظير
ونحنا بالصبر بْ نتحلّا
ونطلب الفرج من الله
حلّا إن كان فيك تحلّا
شبعنا بسامير.
ناطر وفي متلي ناطر
تنتهي هيدي المظاهر
يرجع جبران الخواطر
اْخْبارك يا طير.
.. محمد عزو حرفوش..
ليست هناك تعليقات:
إرسال تعليق